1. Dr. B. Ganesh Kumar, Principal Scientist, Head of the Human Resource Management Division, and agricultural research expert, ICAR-National Academy of Agricultural Research Management (NAARM), Hyderabad, India.
2. Dr. M. Gnana Prakash, Vice-Chancellor of P.V. Narasimha Rao Telangana Veterinary University
3. Dr. K Dinesh, Registrar, Kerala University of Fisheries and Ocean Studies (KUFOS)
4. Dr. A Bijukumar, Vice Chancellor, Kerala University of Fisheries and Ocean Studies (KUFOS)
5. Dr. Raman Meenakshi Sundaram, Director, ICAR-Indian Institute of Rice Research (ICAR-IIRR), Hyderabad, India
6. Dr. Bijay Kumar Behera ARS, The Chief Executive, National Fisheries Development Board (NFDB), Hyderabad
7. Dr. Suresh Kumar Mojjada, Senior Scientist, ICAR-NAARM.
മത്സ്യബന്ധനം, അക്വാകൾച്ചർ, നീല സമ്പദ്വ്യവസ്ഥ (Blue Economy) എന്നീ മേഖലകളിലെ അക്കാദമിക-ഗവേഷണ സഹകരണം ശക്തിപ്പെടുത്തുന്നതിന്റെ ഭാഗമായി കേരള ഫിഷറീസ് സമുദ്രപഠന സർവകലാശാല (കുഫോസ്) ഹൈദരാബാദിലെ ഐകാർ–നാഷണൽ അക്കാദമി ഓഫ് അഗ്രികൾച്ചറൽ റിസർച്ച് മാനേജ്മെന്റുമായി (ICAR-NAARM) ധാരണാപത്രം (MoU) ഒപ്പുവെച്ചു.
സംയുക്ത ഗവേഷണ പ്രവർത്തനങ്ങൾ, വിദ്യാർഥി-അധ്യാപക കൈമാറ്റം, ശേഷിവികസന പരിപാടികൾ, സംയുക്ത അധ്യാപന-വിപുലീകരണ പ്രവർത്തനങ്ങൾ, മോഡലിങ് പഠനങ്ങൾ, മത്സ്യ-സമുദ്രശാസ്ത്ര മേഖലയിലെ ഉയർന്നുവരുന്ന ഗവേഷണ മേഖലകളിലെ സഹകരണം എന്നിവയ്ക്ക് ധാരണാപത്രം വഴിയൊരുക്കും. കൂടാതെ, സംയുക്ത അക്കാദമിക പരിപാടികൾ, സ്ഥാപനങ്ങൾ തമ്മിലുള്ള പങ്കാളിത്തം, നയരൂപീകരണവുമായി ബന്ധപ്പെട്ട സംയുക്ത ഇടപെടലുകൾ എന്നിവയും ഇതിലൂടെ പ്രോത്സാഹിപ്പിക്കപ്പെടും.
കൃത്യമായ ജൈവ, ഭൂമിശാസ്ത്ര, സാങ്കേതിക-സാമ്പത്തിക വിവരങ്ങളുമായി കൃത്രിമ ബുദ്ധി (AI) സാങ്കേതികവിദ്യ സംയോജിപ്പിക്കുമ്പോൾ അക്വാകൾച്ചർ, മാരികൾച്ചർ പദ്ധതികളുടെ ആസൂത്രണത്തിലും നടപ്പാക്കലിലും വിപ്ലവകരമായ മാറ്റങ്ങൾ സൃഷ്ടിക്കാനാകും. ഈ സാധ്യത പൂർണമായും പ്രയോജനപ്പെടുത്താൻ ബഹുവിഷയ ഗവേഷണവും സ്ഥാപനങ്ങൾ തമ്മിലുള്ള ഏകോപനവും മത്സ്യശാസ്ത്രം, സാങ്കേതികവിദ്യ, അക്കാദമിക മേഖലകൾ എന്നിവ തമ്മിലുള്ള ശക്തമായ സഹകരണവും അനിവാര്യമാണെന്ന് ചടങ്ങിൽ വിലയിരുത്തി.
ഹൈദരാബാദിൽ ICAR-NAARM സംഘടിപ്പിച്ച "Blue Economy, AI-Enabled Mariculture and Research Innovation" എന്ന ഫ്ലാഗ്ഷിപ്പ് കൺസൾട്ടേഷന്റെ ഉദ്ഘാടനച്ചടങ്ങിനിടെയാണ് ധാരണാപത്രം കൈമാറിയത്.
ICAR-NAARM ഡയറക്ടർ ഡോ. രമൺ മീനാക്ഷി സുന്ദരം, കുഫോസ് വൈസ് ചാൻസലർ പ്രൊഫ. (ഡോ.) എ. ബിജു കുമാർ, രജിസ്ട്രാർ പ്രൊഫ. (ഡോ.) ദിനേശ് കൈപ്പിള്ളി എന്നിവർ ചടങ്ങിൽ പങ്കെടുത്തു.
Photo Courtesy - Google
